Situacion: A doas oras del matin trucan a la pòrta e sètz al lièch. Vos desrevelhan. Demandatz-vos qual pòt èsser a aquela ora.

Interpretacion de l’enonciat: Interrogativa parciala exclamativa

Informador: G. N.

Descripcion: Lo ton comença a un nivèl mejan sul mot interrogatiu Qual puèi efectua un movement ascendent alinhat sus la sillaba tonica tus-. Lo ton davala alara progressivament per finalament marcar un accent tonal ascendent plan marcat sus la tonica pòr-, puèi davala fins a un nivèl bas sus la pòstonica -ta. Sus l'element dislocat a la drecha, lo ton demòra bas fins a la tonica o-, ont efectua un movement ascendent plan marcat, abans de tornar davalar fins a un nivèl bas sus la pòstonica -ra.

Enonciat: Qual tusta a la pòrta, an aquesta ora?